ខាងក្រោមនេះ គឺជារូបភាពមួយចំនួននៅតាមបណ្តោយផ្លូវសៀមរាប-កំពង់ធំ ដែលខ្ញុំថតយកមកបង្ហាញបងប្អូនយើងនៅទីនេះបានមើលកំសាន្ត គ្រាន់កែអផ្សុក…
ឡានពីរនេះបន្ទាប់ពីថើបគ្នាលើផ្លូវរួច ក៍ចុះពីថ្នល់ជាតិទាំងពីរដែរ នៅជិតទីប្រជុំជនដំដែក...
តូបលក់ត្រីងៀត សាច់ក្រក នៅតាមផ្លូវទីប្រជុំជនស្រុកស្ទោង...
បឹងព្រៃប្រស់ខែនេះរីងទឹកជិតអស់ទៅហើយ...
ស្រុកយើង ដឹកអីចឹង ជិះអីចឹង...
ហើយស្រុកយើង ក៍វ៉ាគ្នាអីចឹងដែរ...
រូបនេះមើលអត់ចង់ដាច់... គឺគោយន្តជិះលើគោយន្ត...
រ៉ឺម៉កសណ្តោងឥឡូវមានដំបូល ហើយមានទាំងអង្រឹងសំរាប់ទម្រេតលេងពេលធ្វើដំណើរទៀត...
នេះទីរួមខេត្តកំពង់ធំ... ស្រុកយើងជិះពេញផ្លូវតែអីចឹងឯង... ឯស្លាកខៀវៗ អក្សរធំខាងលើគឺ ៣កុំ..!!.. មិនមែន ៣មិន ១រាយការណ៍ ទេបាទ..!!..
ស្រុកស្រែ
ស្រុកខ្ញុំគ្មានសណ្តាប់ធ្នាប់បំផុតតាមបណ្តោយផ្លូវជាតិលេខ៦។ ចេញផុតកំពង់ធំចូលសៀមរាប ស្រុកគេមានសណ្តាប់ធ្នាប់ជាង!
ទាក់ទងនឹងសណ្តាប់ធ្នាប់តាមដងផ្លូវនេះ នៅឯណាក៍ដូចឯណាដែរកល្យាណអើយ… មិនថាជនបទ ឬទីប្រជុំជនទេ មើលតែការធ្វើចរាចរក្នុងទីក្រុងភ្នំពេញដ៏ស្រស់ប្រិមប្រិយរបស់យើងទៅ ក៍យ៉ាប់ភ្នែកជាងនៅខេត្តផង…។
នៅតាមផ្លូវនានាចេញផុតពីភ្នំពេញទៅ ខ្ញុំចាប់អារម្មណ៍តែមួយចំណុចទេ គឺមិនដឹងយ៉ាងម៉េច អោយតែទីប្រជុំជនគឺផ្លូវថ្នល់ខូច និងគគ្រិចលែងនិយាយ..!!… ហេតុអ្វីបានជាអាជ្ញាធរមូលដ្ឋាន មិនយកចិត្តទុកដាក់ថែរក្សាអនាម័យនៅតាមមូលដ្ឋានរៀងៗខ្លួន ដែលខ្លួនទទួលខុសត្រូវ? ឬមួយក៍ការងារនេះ ត្រូវរង់ចាំអនុសាសន៍ពីសម្តេច?
ហាសហាៗៗៗៗៗៗៗៗៗៗស្រុកអាឆ្ឆរិយៈ
ស្រុកខ្ញុំស្រុកខ្មែរគឺយ៉ាងនេះឯងទីណាមានកន្លែង
ទំនេរគឺគាត់ទៅកន្លែងនឹងអែងដោយមិនគិតពីគំនូសឬមិនគំនូសទេ.
សំខាន់ធ្វើម៉េចអោយទៅបានមុនគឺចប់អ្វីៗទាំងអស់.
យ៉ាប់និយាយណាស់រឿងនេះ.
មើលតាមរូបភាពអ្នកជិះឡានគរលើគ្នា មានបរទេសខ្លះស្រក់ទឹកភ្នែក អាណិតឡានរបស់គេ អ្នកខ្លះក៏បានសរសើរដែរថាឡានគេខ្លាំង…។
ហិហិហិៗៗៗ… ស្មានតែជិះអោយល្អមើល…
គួរឱយចាប់អារម្មណ៍ គ្រប់រូបភាព.. អរគុណ ស្រុកស្រែ
អាណិតជាងគេ មនុស្សចាស់ ជិះពីក្រោយឡាន មិនបានផ្អែកខ្នងស្រួលបួល..
សម័យនេះទៅហើយ នៅមិនទាន់មាន សណ្តាប់ធ្នាប់ សំរាប់អ្នកដំណើរទៀត!.
បែបនេះ ពួកបរទេសឃើញ គេប្រាកដជាហួសចិត្ត !.
ស្រុកស្រែ ពីម្សិល ខ្ញុំបានសរសេរតបពីរដង នៅទំព័រ ‹‹រូបភាពវាលយន្តហោះខេត្តសៀមរាប..›› តែមិនអាចបុស្តិ៍បាន..
មិនដឹងពីមូលហេតុ តើមានបញ្ហាអ្វីទៅ ?.
.
សូមជំរាបសួរបងកូឡាបខៀវ…
សូមអរគុណ ដែលបងចាប់អារម្មណ៍រូបភាពមនុស្សជិះខាងក្រោយ… ក្នុងរូបភាពនោះ ខ្ញុំឃើញអ៊ុំប្រុសនោះ គាត់ជិះសំយុងជើងចេញក្រៅ ខ្ញុំបារម្មណ៍តែគាត់ងោកមួយវឹងទៅ ខ្លាចតែគាត់ធ្លាក់ដីទេ… ពិបាកនឹងបន្ទោសពួកគាត់ណាស់ ព្រោះជួនកាល ពួកគាត់ជិះក្នុងឡានអង្គុយត្រឹមត្រូវទៅ បែរជាពុលឡានទៅវិញ។ ហេតុនេះ បើបានអង្គុយខាងក្រៅ វាល្ហើយ និងសប្បាយចិត្តជាង…
ដោយឡែក មតិរបស់បងនៅក្នុងប្រកាស រូបភាពវាលយន្តហោះខេត្តសៀមរាប នោះ ខ្ញុំបានពិនិត្យទៅ ឃើញមានមតិរបស់បង ២ដង (បងអាចពិនិត្យចុះមកខាងក្រោមអត្ថបទនោះទៅ ឃើញហើយ)។ ប្លុកខ្ញុំចំហរស្រាប់ទេ មិនថាតែបង ឬអ្នកផ្សេងទេ ប្រសិនបើចង់មានមតិ គឺគ្រាន់តែដាក់ឈ្មោះអ៊ីមែល និងឈ្មោះហៅក្រៅអ្វីក៍បាន គឺគ្រប់គ្រាន់ហើយ។ នៅទីនេះ ប្លុកខ្លះមួយចំនួន ពេលមិត្តអ្នកអានមានមតិ គឺត្រូវនៅរង់ចាំម្ចាស់ប្លុកគេអនុញ្ញាត្តិសិន ទើអាច Post បាន… ចំណែកប្លុកស្រុកស្រែរបស់ខ្ញុំ គឺមិនមែនបែបនេះទេ…។ ដោយគោរពពីខ្ញុំ ស្រុកស្រែ…
សួស្តីលោកស្រុកស្រែ!គឺអាស្រ័យដោយពេលវេលាវារវល់បន្តិចទើបបានជារត់មិនបានទាន់ដំណើររបស់លោក… ខ្ញុំចាប់អារម្មណ៍រូបថតខាងលើគឺ៖
-រូបទី១ ប្រហែលជាគេមិនចង់ឲ្យខាងប៉ូលិសអីដឹងរឿង វាអាចនាំតែអស់លុយច្រើន ព្រោះវាមានសេវាយាមឡាន សេវាសុំថ្លៃបាយ ឬហោចណាស់សុំត្រង់ៗនៅពេលដែលបានដោះស្រាយរួចនៅខាងចរាចរណ៍…។
-រូបទី២ គឺចឹងឯងអ្នកណាថាស្រុកខ្មែរក្រអត់អីស៊ី គឺបើមើលឃើញត្រីសាច់ដាក់លក់ហូរហែតាមផ្លូវ..បើអត់នោះ គឺអត់លុយទិញទៅវិញនោះទេ…
-រូបទី៤ ស្រុកខ្មែរគឺមានសិទ្ធិចឹងឯងចង់ជិះអាក្នុងក៏បាន អាខាងក្រៅក៏បាន ស្រេចចិត្ត។ ម្យ៉ាងបើដាក់តិចពេកត្រឹមត្រូវ រកលុយឲ្យកុងត្រូលតាមផ្លូវអត់បានទេ ឬប្រពន្ធ និងកូននៅផ្ទះមុខជាស៊ីសៀងហើយ……
-រូបទី៥ ខ្ញុំនិយាយពិត ប្រហែលជាដោយសារថា មិនដែលទៅស្រុកក្រៅ មិនធ្លាប់មើលឃើញឡានស្រុកគេបើកហើយ បានជារកប្រៀបធៀបអត់កើត….!
-រូបចុងក្រោយ បើកុំតែលោកប្រាប់ទាន់ ខ្ញុំមុខជាទៅ អាបីមិន មួយរាយការណ៍ នោះហើយ ព្រោះថាវាធ្លាប់តែអីចឹងឯង…..
បាទ, សួស្តី និងសូមជំរាបសួរ លោកចាស់ជាន់មុន… រឿងដោះស្រាយគ្រោះថ្នាក់ចរាចរតាមផ្លូវ គឺត្រូវ ដូចទៅនឹងអ្វីដែលលោកបានរៀបរាប់ខាងលើនេះអីចឹង។ ទាក់ទងនឹងត្រីសាច់ ម្ហូបអាហារក៍អីចឹងដែរ… គឺគ្រឿងឧបភោគបរិភោគនៅស្រុកយើងមិនខ្វះទេ អោយតែមានលុយទិញ… គ្រាន់តែថា រឿងរកលុយកាក់សំរាប់យកមកទិញ វាជួបការពិបាកយ៉ាងម៉េចយ៉ាងម៉ា គឺជារឿងបុគ្គលទេ… កុំបន្ទោសរដ្ឋអី… បើចង់បន្ទោស គួរបន្ទោសខ្លួនយើងម្នាក់ៗទៅ…។
រីឯពាក្យស្លោកបីមិន មួយរាយការណ៍ តាមខ្ញុំចាំ បីមិនគឺ៖ មិនស្តាប់ខ្មាំង មិនជឿខ្មាំង និង មិនតាមខ្មាំង… មួយរាយការណ៍គឺ៖ ឃើញខ្មាំងត្រូវរាយការណ៍…
ខ្ញុំធ្លាប់តែឮដើរមានបី ស្រដីមានបួន ដល់តែ «បីមិន» ពិតជា ពាក្យស្លោថ្មីទៀតត្រូវចុះក្នុង បញ្ជីរវចនស័ព្ទហើយ ហា ហា ហា… ស្រុកយើងជឿន លឿនមែន! ។
នេះកុំតែលោកស្រុកស្រែបរិយាយប្រាប់ ខំអីខ្ញុំគិតថា ផ្លូវបំបែកជាបីគេឲ្យមិនទៅ សូមអរគុណ …។
ពាក្យស្លោកនេះ មានតាំងពីទសវត្សឆ្នាំ១៩៨០ ក្នុងចលនាប្រឡងប្រណាំងអូសទាញជនវង្វេងផ្លូវនៅតាមព្រំដែន អោយចូលសារភាពជាមួយរដ្ឋអំណាចក្រុងភ្នំពេញវិញកាលសម័យណោះ…
ត្រីងៀតមើលទៅចង់នឹកបបរសដល់ក
ហេហេ… សូមអរគុណស្រុកខ្មែរ។ ខ្ញុំជឿថា ជនជាតិខ្មែរ ទោះជារស់នៅដល់ណា បានម្ហូបពិសេសស្រុកគេយ៉ាងណា ក៍នៅមិនភ្លេចពីរសជាតិដើមរបស់ខ្មែរយើងដែរ ដូចជាបបរស ត្រីងៀតនេះ… កុំនិយាយ បើនៅស្រុកគេស្រាប់ដូចលោកអីចឹង នឹកឃើញប្រាកដជាស្រក់ទឹកមាត់ហើយ…
លោកស្រុកស្រែពិតជាលោកនៅចងចាំបានល្អមែន..ខ្ញុំភ្លចបាត់ទៅហើយពីខ្លឹមសារបីមិននោះ..តែគ្រាន់ចង់បញ្ជាក់ថាមកដល់ឥឡូវបានខ្ញុំដឹងថាខ្មាំងទាំងនោះមានខ្លះជាពួកម៉ាកធ្លាប់រៀនសូ្តនៅវិទ្យាល័យជាមួយគ្នា……តែវាជាអតីតកាលទៅហើយ…..អរគុណ
បាទ, ខ្មាំងរបស់លោកកាលពេលបាញ់គ្នានោះ គឺជាអតីតពួកម៉ាក់លោក ហើយដល់មកអីលូវនេះ ក៍នៅតែជាពួកម៉ាក់លោកដដែលទេ… មិនខុសពីអ្នកអន្ទ្រើសៗយើងដែរទេ ដែលកាលពេលបាញ់គ្នា ស្រែកជេរគ្នាទៅវិញទៅម៉ោកប់មាត់ៗរាល់ថ្ងៃ… ដល់ឈប់ច្បាំងគ្នាទៅ មានអី មួយថ្ងៃអោបថើបគ្នាបីដង រាល់ថ្ងៃអីចឹងដែរទៅ…
សួស្តី ស្រុកស្រែ
ទីនេះ គួរអស់សំណើចជាងគេ ត្រង់ឃ្លា ៖
‹‹៣កុំ..!!.. មិនមែន ៣មិន ១រាយការណ៍ ទេបាទ..!!..››
ពូកែរកពាក្យ នាំឱយបានសំណើតមែន !.
និយាយពីការបញ្ចេញមតិនោះ ខ្ញុំបានសរសេរក្រោយពី
មតិទាំងពីរនោះ មកទៀត .. ប្រហែលមកពីខាងខ្ញុំហើយ..
តែមិនអ្វីទេ .. ដូចជាភ្លេច មិនដឹងថាបានសរសេរអ្វីខ្លះផងទេនៀក..
ហេសហេ..
និយាយពីបបរសត្រី៏ងៀត ខ្ញុំចូលចិត្តណាស់ !. មិត្តភក្តិផ្ញើឱយញ៉ាំ
ស្ទើរមិនលួសដែរ.. គេស្គាល់អ្នកចេះប្រឡាក់ ដាក់ខ្ញី .. មិនសូវផ្អែមផង!..
មានភ្ជាប់រូបភាពមកជាមួយដែរ..
http://www.khmercity.net/photo/30012010-4?context=user
http://sroksrear.com/2012/02/20/road-siemreap-kthom/#comment-1475
បើចង់មើលរូបទាំងអស់ សូមចុច View Photos
ដោយរាប់អាន
.
ឃើញរូបបបរសត្រីងៀតបង ចាំពេលត្រឡប់ទៅវិញ ខ្ញុំនឹងអោយភរិយាខ្ញុំ គាត់បបរអង្ករស្រូវថ្មីសាកមើលមើល៎… តែត្រងៀតបានតែធ្វើខ្លួនឯងទេ បើទិញគេយកមកញាំ មិនស្និទ្ធិទេ… ដឹងស្រាប់ហើយពីអនាម័យនៃការលក់ដូរនៅស្រុកយើងនោះ… អរគុណចំពោះរូបភាពបបរសត្រីងៀតរបស់បងនេះ…
រ៉ឺម៉កសណ្តោង មានអង្រឹងទៀត
បាទ, កូនផ្សោតឃើញស្រាប់ហើយ… រ៉ឺម៉កយើងជិះធម្មតាណឹង ឥឡូវមានដំបូលទៀត… ខ្ញុំក៍ឆ្ងល់ ដោយឃើញមានអង្រឹងសំរាប់អ្នកដំណើរទំរេតលេងតាមផ្លូវបែបនេះដែរ… ហេហេៗៗៗ…
ពិតមែនហើយ ស្រុកស្រែ ត្រីងៀតដាក់លក់ រយីងរយោងហ្នឹង
ល្អត្រឹមតែមើល .. ម្យ៉ាងអ្នកលក់មិនឧស្សាហ៍បក់រុយប៉ុន្មានទេ..
អញ្ចឹងហើយ ចាំបាច់ត្រូវប្រើថ្នាំការពារសត្វរំខាន..
មានតាំងពី កណ្តុរ កន្លាត… ។ល។…. តែមិនចាំបាច់
សំរាប់សុខភាពរបស់អ្នកទិញញ៉ាំឡើយ…
សូម្បីបន្លែក៍គេប្រើថ្នាំ ទុកឱយបានយូរ និងស្រស់ញញឹមដែរ..
ហេសហេ.. ស្រុកស្រែ សង្ស័យតែមិនចេះដាំបបរញ៉ាំខ្លួនឯងហើយ..
និយាយលេងទេ..
.
ហេហេ… អរគុណបងកូឡាបខៀវ… បើខ្ញុំចូលចង្រ្កានដាំបបរ ប្រាកដជាចេញមក បបរឈ្មោលហើយ គឺគោកស្រដៀងនឹងបាយ…
អានាម័យជារឿងសំខាន់ ដាក់ហាលវាលរុយបែងពងដាក់ជារឿងគ្រោះថ្នាក់ដល់សុខភាព។ ខ្ញុំឮអតិថិជនពោលសឹងគ្រប់មាត់ថា ចំណីអាហារស្រុកខ្មែរនៅមិនទាន់មានស្តង់ដាត ក្បួនខ្នាតអន្តរជាតិត្រឹមត្រូវនៅឡើយ…។ យ៉ាងណាមិញ អ្នករស់នៅស្រុកខ្មែរចេះតែសមល្មម ចំពោះអ្នកខ្លះដែលនៅក្រៅប្រទេសទៅលេង ពិតជាឆ្ងាញ់ បាញ់ឆ្ងាយមិនខុសទេ ហាហាហា….
រឿងអនាម័យលើចំណីអាហារនៅស្រុកយើងនេះ សំរាប់អ្នកលក់ដូរនៅតាមផ្សារ និងតាមទីប្រជុំជន គឺគ្មានគ្រូអាចារ្យណាប្រដៅព្រះអង្គបានឡើយ..!!.. បើរបស់ណាជៀសមិនរួចទេ ចាំទិញយកមកញាំ តែបើមិនចាំបាច់ទេ ធ្វើខ្លួនឯងទៅប្រសើរជាង ដោយរាប់តាំងពីប្រហុក ផ្អក ឆៃប៉ូវ ត្រីប្រឡាក់ ពងទាប្រៃឡើងទៅ…។ ផ្ទះខ្ញុំ កំរទិញរបស់ស្រាប់ៗ យកមកញាំណាស់…ព្រោះញាំរបស់ទាំងនោះមិនស្និទ្ធិទេ…។