ខាងក្រោមនេះ គឺជារូបភាពអាងទំនប់ទឹកកំពីងពួយថ្ងៃនេះ ដែលកសាងឡើងដោយកំឡាំងមនុស្ស នៅក្នុងរបបខ្មែរក្រហម កម្ពុជាប្រជាធិបតេយ្យ…
ផ្សារកំពីងពួយ ឬផ្សារក្រមួន...
ផ្លូវខ្នងទំនប់កំពីងពួយ
ទិដ្ឋភាពផ្ទៃទឹកអាងខាងលើ...
ផ្ទៃទឹកបឹងក្នុងអាងកំពីងពួយដ៏ធំល្វឹងល្វើយ
រមណីយដ្ឋានកំពីងពួយ ដែលនៅខាងក្រោមទំនប់ទឹក...
ភ្ញៀវទៅលេងអាចងូតទឹកបឹងកំពីងពួយបាន... តែខ្ញុំមើលទៅ ទឹកបឹងអីចឹងបើកាលណាងូតយូរ ខ្លាចតែអាចម៍អណ្តើកតោងស្បែកទេ...
ស្រុកស្រែ
ទឹកត្រឹមករជើងចឹង មានជួលពោងទៀត?
សួរធើដូចអត់ដឹង… ស្មានតែអ្នកប្រុសៗយើង ជិះពោងតែឯងអ្ហី? បើជិះគឺប្រាកដជាមានគ្នាហើយ…
សូមអរគុណលោកស្រុកស្រែ!មើលឃើញពីអាងទឹកកំពីងពួយដ៏ធំល្វឹងល្វើយនះខ្ញុំចង់ឲ្យលោកស្រម៉ៃលេងៗថាតើការសង់ឡីងដោយដៃមនុស្សប៉ុន្មាននាក់ ? ហើយតើមានមនុស្សប៉ុន្មាននាក់ដែលត្រូវឈឺស្លាប់ដោយពលកម្មធ្ងន់ធ្ងរខ្វះចំណីអាហារ ?និងមានមនុស្សប៉ុន្មាននាក់ត្រូវគេវ៉ែចោលដោយចោទថាជាខ្មាំងអង្គការ?សូមជួយគិតលេងៗផងដើម្បីរាយការណ៌ជូនសមមិត្តបងៗកំពុងជាប់ទ្រុង..
គួរពុំគួរសុំអភ័យទោស….
បាទលោកចាស់សល់ពីសង្គម… ពិតជាមិនគួរអោយជឿថា នេះជាស្នាដៃមនុស្សដែលធ្វើដោយកំឡាំងពលកម្មសុទ្ធសាធ។ ជាគុណវិបត្តិ គឺការកសាងកាលណោះ ត្រូវចំណាយអាយុជីវិតមនុស្សអស់យ៉ាងច្រើន។ តែជាគុណសម្បត្តិវិញ បច្ចុប្បន្ន អាងស្តុកទឹកនេះ អាចស្រោចស្រពស្រូវប្រាំងបានរាប់ម៉ឺនហិកតា…។ តាមគំរោង ទំនប់កំពីងពួយនេះ នឹងត្រូវលើកកំពស់ថែម ១ម ទៀត ព្រមទាំងធ្វើថ្នល់អ៊ុតកៅស៊ូផងដែរ…
គិតទៅពួកពល_ពតបានកសាងស្នាដៃអោយខ្មែរច្រើនដែរតើស!!!
ដូចជាអាងកំពីងពួយនេះជាដើមដែលកសាងឡើងក្រោមទឹកភ្នែកខ្មែរ
រាប់លានអ្នកក្រុមស្លាកអង្គការ មហាលោតផ្លោះ,មហារុងរឿង,មហាជោគជ័យ.
ក្រោមទង់បដិវត្តន៍ដ៍អស្ចារ្យមហាលោតផ្លោះ.
បងជិះហួសនឹងបន្តិចនឹងទៅដល់ភូមិតាង៉ែនហើយ ជាប់និងជើងភ្នំ.
បាទដួងចាន់… តាមដំណឹង អ្នកភូមិនៅជាប់នឹងជើងភ្នំនេះ ប្រហែលជាត្រូវជន់លិចក្នុងរដូវវស្សាហើយ ប្រសិនបើមានការជួសជុលទំនប់នេះនាពេលខាងមុខ។
កាលខ្ញុំទៅពីឆ្នាំទៅ ខែកក្កដា ទឹកឡើង តែក៏មិនបានជិះអីដែរ បានអើតតែមួយភ្លែត នៅចាំច្បាស់ជាងគេគឺមានឡានកូរ៉េដឹក លាមក បើកកាត់ ហើយពួកខ្ញុំនៅក្រោមខ្យល់ ហាហាហា ដល់កហ្មង!
លើទំបន់កំពីងពួយ គួរតែរៀបចំអោយបានស្អាតបាតតិចទៅ សុទ្ធតែព្រៃ ដូចស្រុកខ្មែរក្រហមចឹង ។ ម៉េចមិនបរអោយដល់ ភ្នំកំពីងពួយ តែម្តងទៅ ស្រុកស្រែ ឡើងមើលលើភ្នំហ្នឹងឃើញមានអីខ្លះ ភ្នំហ្នឹងហើយ ជាទីកន្លែង របស់ខ្ញុំ កាលចេញតស៊ូដំបូង នៅពេលសម្តេចតា ស្រែកកោកៗ ពីប៉េកាំងមកថា កូនចៅ នាំគ្នាចូលព្រៃមគ្គីនោះអី ! នៅខាងលិច ជាប់ច្រមុះភ្នំហ្នឹង មានកូនភ្នំតូច វត្តខ្ញុំនៅលើកូនភ្នំហ្នឹងឯង មើលមកក្រោមស្រួលណាស ច្បាស់ចែស ឃើញពួកបងប្អូនយោធា ទាំងបុរស នារី ដើរមិនដាច់ទេ មិនដឹងទៅណាមកណា កាលសម័យនោះ ធ្វើអោយខ្ញុំជាលោកសង្ឃ សប្បាយណាស់ដែរ តែចំខែរងារផង ត្រជាក់ណាស់ ដោយសារខ្យល់បក់មកចំជានិច្ច …។ល។៚…
ខ្ញុំឮសូរ តាមគំរោងឆាប់ៗនេះ ប្រហែលជារដ្ឋចាប់ផ្តើមជួសជុលទំនប់ទឹកនេះ ព្រមទាំងចាក់ថ្នល់កៅស៊ូផងក៍មិនដឹង… ព្រោះថា ទំនប់ទឹកនេះ ផ្តល់ទឹកធ្វើស្រែខួបប្រាំងខួបវស្សាដល់ដីស្រែរាប់ម៉ឺនហិកតាដែលនៅខាងក្រោម ហើយដីស្រែទំហំធំៗ ល្វឹងល្វើយនៅទីនោះ ភាគច្រើនជាដីស្រែរបស់អ្នកអន្ទ្រើសៗផង…។ រីឯភ្នំដែលមើលឃើញនោះ ខ្ញុំមិនធ្លាប់ដែលបានឡើងទៅទេ…
មិនភ្នំហ្នឹងទេ ស្រុកស្រែ គេប្រាប់ដែរអត់ចំាឈ្មោះ ប្រហែលភ្នំតាង៉ែន មើលទៅ ភ្នំកំពីងពួយ នៅឆ្ងាយទៅខាងលិច តសអផ្លូវលំលើទំនប់ហ្នឹងទៅលិចទៅ ប្រហែលជា ៥-៨គីឡូម៉ែត្រឯណោះ ចឹងបានជាខ្ញុំឆ្ងល់ ម៉េចបានជាគេដាក់ ទំនប់ហ្នឹងជា ទំនប់កំពីងពួយ បើនៅឆ្ងាយគ្នាចឹង !
រឿងនេះបើតាមខ្ញុំដឹងល្ហៀងៗ នៅម្តុំនោះ គេប្រើ ឬ ស្គាល់តែភ្នំកំពីងពួយហ្នឹង ជាងគេ ជាភ្នំយុទ្ធសាស្ត្រ ហើយក៏ជាភ្នំ ព្រះផុសរាប់ពាន់ ឬ ម៉ឺន កាលសម័យឆ្នាំ ១៩៧០ មានទាហាន និងប្រជាជន បានទៅយកច្រើនណាស់ ហើយលោក សង្ឃក៏នាំគ្នាទៅយកដែរ ។
កាលពីដើមឆ្នាំ ១៩៧៥ មុនសន្តិភាព ឬ មុន ១៧ មេសា ៧៥ គេហៅពួកខ្ញុំជា លោកសង្ឃទៅប្រជុំធ្វើទំនុប ជីកប្រឡាយនៅខាងលើ ឬ ប្រហែលជា ២០ គីឡូម៉ែត្រ នីរតីទំនុបកំពីងពួយនេះ គេហៅថាទំនុបអូដូនតា គឺគេយកមេទឹក មកពីទំនុបអូដូនតា ពីព្រោះអូដូនតា ជាមេទឹកធំ នៅពេលដែលពួកខ្ញុំជា លោកសង្ឃ បានចូលរួមលើកទំនុបហ្នឹងជាប់ គេបានបញ្ជូនកងចល័ត រាប់រយ ឬ ពាន់នាក់ ទៅជំនួសពួកខ្ញូំ ហើយពួកខ្ញូំបានមកលាចាកសិក្ខាបទ ពួកកង ចល័តនោះទ្រូវជីកប្រឡាយធំមួយសំដៅទៅភ្នំកំពីងពួយហ្នឹងឯង តាមគោល ដៅ តែដូចជាអត់ឃើញបានជីកទៅដល់ហ្នឹងទេ ប្រហែលមកពី ជម្ងឺគ្រុនចាញ់ ខ្លាំងហើយមើលទៅ បានជាអត់ឃើញបានជីកបន្តរ ពីព្រោះចាញ់ណាស់ ក្នុង ព្រៃនោះ ធាតុអាកាសក៏ត្រជាក់ខ្លាំងណាស់ផង ពេលព្រឹកចុះអាប់មើលមិនចង់ ឃើញទេ ។ តែបើមិនបានជីប្រឡាយក៏ដោយ ក៏ទឹកវាហូរសំដៅមកទំនប់ កំពីងពួយនេះដែរ ពីព្រោះដីទំនាបមកចំហ្នឹង បើមិនបានទប់ទំនុបអូដូនតាទេ ទឹកស្ទើរទាំងអស់ ត្រូវហូរចាក់ចូលដងស្ទឺង មង្គលបូរី ឬ្ ស្ទឹងងតាគ្រៃហ្នឹង អស់ហើយ ។ល។ កាលពេលនោះយុទ្ធសាស្រ្ត កសាង្បប្រទេសជាតិខ្លាំង ណាស់ដែរតើ គឺមិនទាន់ចប់សង្គ្រាមទេ គេដាក់ផែនការណ៍ លើកទំនុបជីក ប្រឡាយហើយ ជីកបណ្តើរៗ នេះចំពោះពួកខ្ញុំជាលោកសង្ឃលើកបណ្តើរៗ ហើយ មានកន្លែងផ្សេងទៀត ក៏លើកទំនុបជីកប្រឡាយដែរ បើតាមកេប្រាប់ គឺគ្រប់ភូមិភាគទាំងអស់ លើផ្ទៃប្រទេស ។
អរគុណលោកបង ដែលបានរៀបរាប់រឿងរ៉ាវទាំងអស់នេះ… ខ្ញុំរកមើលក្នុងផែនទីឃើញហើយ… មានពេលថ្ងៃក្រោយ ខ្ញុំនឹងទៅមើលអោយដល់ទីតាំងទាំងនោះ…
គិតទៅអាងទឹកំពីងពួយអស្ចារ្យមែន ធ្វើដោយដៃមនុស្ស ។ សំណាងដែរខ្ញុំធំអត់ទាន់ ខំអីបានទៅសាងស្នាដៃ គ្រាន់បានអួតប្រាប់ដល់ចៅៗរបស់ខ្ញុំជំនាន់ក្រោយ…។ សូមអរគុណ លោក Loverspeesh05 ដែលបានចែករំលែកបទពិសោធន៌បែបប្រវត្តិសាស្រ្ត ។