រូបស្លាកសញ្ញាចរាចរបៃតងខាងលើនោះ គឺស្ថិតនៅជិតគល់ស្ពានអាកាស ៧មករា ឬស្ពានហោះ ស្ពានហើរ ដែលខ្ញុំជឿថា អ្នកដំណើរទាំងឡាយ បើបានឃើញហើយ ប្រាកដជាស្បើយទុក្ខាពីឳរាជាមិនខាន ព្រោះដោយសារតែទប់សំណើចមិនបាន…។
ខ្ញុំមិនមានបំណងបង្អាប់ ឬក៍ផាអោយសាលាក្រុងអីទេ តែស្លាកចរាចរបង្ហាញទិសដៅនេះ គឺតូចមែនទែន មិនសមនឹងទំហំផ្លូវសោះ ដែលធ្វើអោយអ្នកដំណើរទូទៅ ខំប្រឹងអានឡើងស្រឡេវភ្នែកអស់ហើយ នៅតែប្រកបអក្សរល្អិតៗនោះអត់ដាច់ទៀត..!!..??..
ស្រុកស្រែ
មិនមែនខៀវទេ គឺបៃតង
ខិខិខិៗៗៗ… អរគុណតារ៉ូ… ខ្ញុំកែដាក់ថា បៃតង វិញហើយ… ពេលខ្លះខ្ញុំមើលមួយភ្លែតស្មានតែខៀវ… ដល់មើលយូរបានចេញទៅជាបៃតង… ហាសហាៗៗៗ…
គេអោយមើលរូបសញ្ញា មិនមែនអក្សរឯណាបង!
ប្រហែលជាអីចឹងមែនហើយក្មេងស្រែ…
លោកស្រុកស្រែ ជាទីរាប់អាន !
ខ្ញុំសុំចូលរួមមតិចំពោះស្លាកចរាចរខាងលើបន្តិចចុះ…….
-ធ្វើស្លាកតូចដូច្នេះគឺវាអស់លុយចំណាយតិច គឺរដ្ឋចំណេញថវិកា
-ស្លាកតូចដូច្នេះកឺមិនមែនសំរាប់អ្នកធ្វើចរាចរតាមថ្នល់អាននោះទេ គឺគិតតែពីដើរ ជិះកង់ ជិះម៉ូតូ ជិះឡានអីរៀងៗខ្លួនធម្មតាៗចឹងទៅ …(បើគេចង់ឲ្យអាន គេសរសេរដាក់ស្លាកធំៗហើយ!!)
-ម្យ៉ាងអ្នកធ្វើស្លាកនេះយល់ថា បណ្តាអ្នកធ្វើចរាចរទាំងឡាយលើផ្លូវថ្នល់សុទ្ធតែចេះច្បាប់ចរាចរទាំងអស់គ្នាច្បាស់ចែសអស់ហើយ គឺរឿងខ្លះវាអាដែលៗ មិនបាច់មើលការណែនាំតាមផ្លូវក៏អាចបើកឡានបើកម៉ូតូបាន! បុកគ្នាតិចតួចវាមិនប៉ុន្មាននោះទេ!!
-ចិត្តសាស្រ្តម្យ៉ាង..ស្លាកធំធម្មតា មនុស្សមិនសូវចាប់អារម្មណ៌ទេ តែបើអាតូចដូចជាគេមិនចង់ឲ្យដឹងចឹង គឺប្រាកដជានាំគ្នាចង់ដឹង.. ហើយប្រឹងមើល និងចាំចងបានយូរទៀតផង…
ខុសត្រូវសុំលោកអធ្យាស្រ័យផងចុះ….
បាទ, សូមជំរាបរលឹក លោកចាស់ជាន់មុន….។
ប្រសាសន៍របស់លោកគ្រប់ចំណុចទាំងអស់នេះ គឺត្រឹមត្រូវណាស់… គឺទី១ អស់លុយតិច ធើអោយរដ្ឋចំណេញលុយជាតិបានច្រើន…។ ទី២ អ្នកដំណើរគិតតែពីជិះទៅមុខទៅ មិនបាច់ខ្វល់ពីស្លាកសញ្ញាទេ… ណាមួយគ្រប់ៗគ្នា សុទ្ធតែមានប័ណ្ណបើកបរ និងចេះច្បាប់ចរាចរណ៍ពេញខ្លួនអស់ហើយ…. ហេតុនេះ ស្លាកសញ្ញាចរាចរណ៍តូច ឬធំ លែងសំខាន់ទៀតហើយ…។
ជួនកាលអាចនេះជាស្លាកបណ្តោះអាសន្នក៍អាចថាបាន ព្រោះសាលាក្រុងនឹងរៀបចំធ្វើអាធំកាត់ទទឹងថ្នល់ផងក៍មិនដឹង… តែនេះ… ដាក់អាតូចប៉ុណ្ណឹងសិនទៅ..!!… ដាក់សិន…ចាំដូរដាក់អាធំពេលក្រោយ..!!.. នៅស្រុកយើង អាដាក់សិននេះអត់ទៀងទេ… ជួនកាលស៊ីពេលរាប់សិបឆ្នាំឯណោះ..!!..
ដាក់ចឹងទើបស្រួលផាកយកលុយ
ហេហេៗៗៗ…..
សង្ស័យតែគេដាក់ឲ្យតែឃើញ ល្អមើលទេដឹង បើគេចង់ដាក់ឲ្យអានពិតជាសរសេរផ្លាកធំ ៗ មិនខានទេ។
បាទ, សូម៉ាដា… មិនមែនដាក់អោយឃើញល្អមើលទេ តែបើដាក់អោយឃើញអាក្រក់មើលត្រូវជាង ព្រោះទំហំស្លាកសញ្ញា និងទំហំផ្លូវមិនស៊ីគ្នាសោះ…
ដាក់ផ្លាកសញ្ញា មានពណ៌ បៃតង លើផ្លូវធំ ដូចខាងខ្ញុំដែរ ..
ឯប្រទេស អាល្លឺម៉ង់ និង បារាំង លើផ្លូវធំ ជាពណ៌ខៀវ ចាស់ ..
http://www.khmercity.net/photo/12022011-mulhouse?context=user
នៅអាមេរិច ក៏មានផ្លាកសញ្ញា លើផ្លូវធំពណ៌ បៃតងដែរ ..
http://www.khmercity.net/photo/san-francisco?context=user
អរគុណ ស្រកស្រែ បានបង្ហាញ ផ្លាកសញ្ញា នៅប្រទេសយើងឱយបានដឹង!..
គួរឱយកោតសរសើរ ដល់អ្នកឯកទេស ដ៍ចំណាប់ ទាំងនោះ ពិតមែន!!..
ប្រហែលជំហានដំបូង ត្រូវតែតូចអញ្ចឹងហើយ បន្តិចទៀតនឹងរីកធំ
តាមទឹកលុយ.. ហេសហេ..
អរគុណ
&&&&&&&
បាទ, ត្រូវហើយបងកូឡាបខៀវ… គឺប្រាកដជាបន្តិចទៀតនឹងរីកធំហើយ… តែឥឡូវនេះ គឺដាក់សិន..!!… ហើយ.. “សិន” ស្រុកយើងនេះ ជួនកាលស៊ីពេលរាប់ឆ្នាំឯណោះ…
ចុះសម្តេចថា ជំហានគីង្គក់នុះអី
ចឹងទេអ្នកធ្វើ តាមជំហានគីង្គក់ដែរ.
មុនដំបូងតូចចឹងហើយចាំសេដ្ថកិច្ចឡើងដល់១០%ធ្វើធំតែម្តង
ឥឡូវទើបតែ៧,៥%ទេ.សង្ស័យតែគតិបណ្ឌិតច្រើនពេកហើយបានជា
ស្លាកចរាចរណ៍ប៉ុនថាសលក់អាកោរបស់អាគ្លោក!!
នៅជិតផ្លូវទៅសាលាស៊ីតិកតូចជាងនេះទៅទៀត! រួចហើយដល់ពេលគេមើលមិនឃើញ ឬ មិនចាប់ភ្លឹកមើល ប៉ូលីសនៅក្បែរនោះចាប់ភ្លាមមួយអំពេច
បាទ, អរគុណឌីយ៉ា… កុំមាត់ខ្លាំងពេក… ត្រីកំពុងស៊ីសន្ទូច..!!
ជំរាបសួរទាំងអស់គ្នាសុខទុក្ខធម្មតាទេឫ?សុំសួរមួយនិងមេត្តាជួយពន្យល់ផងចំពោះពាក្យថាស្លាកនិងផ្លាកគួរប្រើពេលណានិងប្រើបានទៅើលអ្វី?ពីមុនធ្លាប់លឺតែផ្លាកសញ្ញានិងស្លាកស្នាម.។សូមអរគុណ!!!!
បាទ, សូមអរគុណ និងសូមជំរាបសួរ…។ កាលពីមុនក៍ខ្ញុំប្រើពាក្យថា “ផ្លាក” ដែរ… តែក្រោយមក ខ្ញុំឃើញសារព័ត៌មានសរសេរថា “ស្លាក” វិញបែបនេះ ខ្ញុំក៍ឆ្ងល់ដែរ ដូចជា ស្លាកលេខយានយន្ត, ស្លាកសញ្ញាចរាចរ…។ តែពេលខ្ញុំបើកមើលវចនានុក្រមខ្មែររបស់សម្តេចព្រះសង្ឃរាជ ជួនណាត ទើបខ្ញុំដឹងថា ពាក្យខ្មែរ “ផ្លាក” មិនមានក្នុងវចនានុក្រមទេ គឺមានតែពាក្យ “ស្លាក” តែប៉ុណ្ណោះ។
មែនហើយខ្ញុំមើលដែរតែមិនមានលំអិតវែងឆ្ងាយលោកបញ្ជាក់តែត្រឹមថាជាគ្រឿងសម្គាល់.មិនអស់ចិត្តបានជាសួរបាទ.ម្យ៉ាងទៀតធ្លាប់បានលឹការជជែកច្រើនដែរពីបញ្ហានេះ.សូមអរគុណ
កាលពីមុនយើងមានសម្តេចព្រះសង្ឃរាជ ជួនណាត គ្រាន់ព្រះអង្គលោកកាត់សេចក្តី ឬអារកាត់សំរេចអោយប្រើ ឬមិនប្រើពាក្យខ្លះ ព្រមទាំងបង្កើតពាក្យថ្មីៗសំរាប់ប្រើប្រាស់ក្នុងសំណេរភាសាខ្មែរបានយ៉ាងសំបូរបែប។ ដល់សម័យបច្ចុប្បន្នយើងនេះ ព្រះសង្ឃដែលមានយសសក្តិជា “សម្តេច” ក្នុងព្រះពុទ្ធសាសនាមានច្រើន… បើរាប់ម្រាមដៃវិញអត់អស់ទេ…។ ចំណែកឯមហាបណ្ឌិតកំពូលៗវិញ អោយឈរតំរង់ជួររាប់ម៉ាព្រឹក ក៍អត់អស់ដែរ… តែដូចជាមិនដែលឃើញមានបង្ហាញស្នាដៃអោយលេចធ្លោរលើវិស័យអក្សរសាស្រ្តជាតិសោះ។ ឃើញប្រណាំងប្រជែងគ្នាតែពីរឿងសំភារៈ និងយសសក្តិនេះតែប៉ុណ្ណឹងឯង…។
នេះគឺជាល្បែងក្មេងលេងទេតើបងៗអើយ។
លោកអភិបាលសាលារាជធានី កំពុងតែគិតហើយ… ចាំបន្តិចសិនទៅ… បើមើលមិនដាច់ទេ សួរអ្នករត់ម៉ូតូឌុបសិនទៅ…