ម្សិលមិញ ក្នុងដំណើរវិលត្រឡប់ពីខេត្តសៀមរាបវិញតាមផ្លូវជាតិលេខ 6A ខ្ញុំបានឃើញពិធីជួបជុំ និងដង្ហែរបុណ្យតាមបែបព្រះពុទ្ធសាសនាមួយយ៉ាងធំ ដើម្បីទៅជួបជុំគ្នានៅវត្តមួយក្នុងស្រុកមុខកំពូល ខេត្តកណ្តាល។ ខ្ញុំបានចុចកញ្ចក់ឡានស្រែកសួរអ្នកដំណើរតាមផ្លូវ ដោយចង់ដឹងថា តើគេនាំគ្នាធ្វើបុណ្យអីដែរ? ជាចំឡើយ ខ្លះថាបុណ្យដង្ហែរព្រះសារីរិកធាតុព្រះសម្មាសម្ពុទ្ធ… ឯខ្លះទៀតថា បុណ្យចំរើនព្រះជន្មព្រះកូណា…(?)… ខ្លះថាបុណ្យហែរព្រះពុទ្ធរូប… ខ្លះថាបុណ្យហែរដើមពោធិ… អត់ច្បាស់..!!… បើអស់លោកណាដឹងច្បាស់ សូមជួយជំរាបប្រាប់ផង…
សំរាប់ខ្ញុំ បុណ្យអ្វីក៍បុណ្យចុះ តែខ្ញុំចំឡែកដោយក្នុងចំណោមក្បួនដង្ហែរបន្តកន្ទុយគ្នាឡើងស្ទះចរាចរណ៍នេះ ខ្ញុំចាប់អារម្មណ៍នឹងក្បួនដង្ហែរតុបតែងសត្វដំរីជាងគេ… ហើយអ្វីដែលចំឡែកនៅត្រង់ថា នៅលើខ្នងដំរី ឃើញជនស៊ីវិលម្នាក់ ក្បាលត្រងោលស្លៀកស ពាក់ស (អាចជាអ្នកបញ្ជាន់រូប ឬអាចតាំងខ្លួនជាអ្នកសច្ចំ..?..) រីឯព្រះសង្ឃច្រើនអង្គលើកដៃសំពះព័ទ្ធជុំវិញសត្វដំរី និមន្តដោយថ្មើរជើងនៅខាងក្រោមទៅវិញ… តែបើអោយព្រះសង្ឃគត់នៅលើខ្នងដំរីវិញ ក៍ប្រហែលជាខុសនឹងវិន័យសង្ឃផងក៍មិនដឹង… ខ្ញុំអត់ច្បាស់ដែរ តែមើលក្នុងរូបភាពនេះទៅ ដូចជាយ៉ាប់ភ្នែកយ៉ាងម៉េចមិនដឹងទេ..!!
ខ្ញុំចេះតែសំឡឹងៗទៅទេ ក្រែងលោប្រទះឃើញមានក្បួនដង្ហែរអ្នកសច្ចំ(sic!) តាមរបៀបប្លែក ដោយអោយព្រះសង្ឃព្រះពុទ្ធសាសនា នាំគ្នាសែងគ្រែស្នែងអោយអ្នកស្លៀកស ពាក់ស ដូចអ្នកសច្ចំ នៅ ទួលរាជា ក្នុងស្រុកកោះធំ ជិតស្រុកខ្ញុំដែរ… តើអស់លោកអ្នកដឹងទេថា អ្នកសច្ចំនៅអាណាចក្រទួលរាជា ចង់ទៅណាមកណា គឺត្រូវបានធ្វើដំណើរដោយគ្រែស្នែង បាំងក្លស់ ដែលអ្នកសែងគឺជាព្រះសង្ឃពី៤អង្គ ទៅ ៨អង្គ? ស្តាប់ទៅមិនគួរអោយជឿ តែនេះជារឿងពិត…។
ស្រុកស្រែ
អ្នកសច្ចំមួយចំនួននាបច្ចុប្បន្នកាលនេះ គួរតែសរសេរថា “អ្នកសាច់ចាំង” វិញ។ អ្នកសាច់ចាំងបែបនេះ អាចនិយាយបានថាជាអ្នកស្លៀកសពាក់ស (យកសាសនាធ្វើជំនួញ) ស៊ីឆ្ងាញ់ ដេកស្រួល នៅក្នុងវីឡាកុដិ មានម៉ាស៊ីនត្រជាក់ មានទូរទស្សន៍ខ្សែកាបមើល មានរថយន្តទំនើបជិះ ដល់អញ្ចឹងទៅសាច់គាត់ប្រែពីប្រផេះមកជាភ្លឺរលោងចាំង។
ដូចគំនិតខ្ញុំដែរ
សូមអរគុណលោកកែវប៉ុញ្ញា និងសាម៉ាឌី… ចុះព្រះសង្ឃដែលយកសាសនាជាជំនួញ និងរស់នៅហ៊ឺហារដូចបែបអ្នកស្លៀកស ពាក់សនេះ តើគួរដូរហៅពី ព្រះសង្ឃ ទៅជា ព្រះសាច់ចាំង បានដែរអត់?
វត្តទួលព្រះរាជាហ្នឹងហេហ? បោក១០០០ភាគរយតាម៉ង!
បាទ, ក្មេងស្រែ… អ្នករស់នៅស្រុកណឹង និងជិតៗស្រុកណឹង នរណាៗក៍ដឹងដែរថា វត្តទួលរាជា ជាទួលបោកប្រាសដែរ… តែអ្នករស់នៅឆ្ងាយៗ នាំគ្នាជឿឡើងផ្កាប់មុខ ហើយនាំគ្នាពពាក់ពពូនជិះទាំងឡានៗ យកបច្ច័យមកចូលបុណ្យយ៉ាងគគ្រឹកគគ្រេង ដែលមើលទៅជីវភាពអ្នកមកចូលបុណ្យ និងអ្នកទទួលបុណ្យដែលតំណាងអោយអ្នកសាច់ចាំង(សច្ចំ)គ្រប់គ្រងទីនោះ មានការខុសគ្នាដូចមេឃ និងដី។
ចំណុចដែលគួរអោយចាប់អារម្មណ៍នោះគឺ ហេតុម៉េចបានជាមេៗ សាម៉ីក្រសួងដែលទទួលខុសត្រូវខាងណឹង ស្ងាត់មាត់ឈឹងដូចចោរលួចសេះ? ក្រោយមកទើបមានអ្នកស្រុកខ្សិបខ្សៀវប្រាប់ថា៖ អ្នកសាច់ចាំង(សច្ចំ) ដែលអាចចាត់ទុកថាជា ស៊ីអ៊ីអូ (CEO) គ្រប់គ្រង និងចាត់ការទូទៅលើទួលរាជា បានកាត់យកចំណូល(បច្ច័យ?) យកមកចុកមាត់អ្នកឋានលើ ឡើងអួលគ្រប់គ្នា និយាយលែងចេញ ស្រែកក៍លែងរួច អស់ទៅហើយ…។ ហេតុនេះ បើកាលណាបិទ ទួលរាជា លែងអោយមានដំណើរការ អាជីវកម្ម គឺហាក់ដូចជាការបោកឆ្នាំងបាយខ្លួនឯងដូច្នេះដែរ..!! ប្រសិនបើការខ្សិបខ្សៀវនេះ ជាការពិតមែន ខ្ញុំសូមអស់យោបល់ហើយ…
គេថតកុនរឿងកំប្លែងទេដឹង?
ខិខិខិៗៗៗ…. ខ្ញុំអត់ដឹងដែរបង…ឬក៍បែបដូចបងមានប្រសាសន៍នេះហើយ… ខ្ញុំរស់នៅក្នុងស្រុក មិនសូវហ៊ាននិយាយអីចំៗពេកទេ ខ្លាចចូលក្នុងបទបរិហារកេរ្តិ៍…
ចូលហិណ្ឌូហើយហ្នឹង!!!
បាទ, លីហ្សា ខ្ញុំមើលទៅដូចជាប្រឡាយកាត់ច្រើនជាង ព្រោះព្រះពុទ្ធក៍មិនចំ ហិណ្ឌូក៍មិនចំ… ហើយការដែលអោយអ្នកស្លៀកសពាក់ស ស្ថិតនៅទីខ្ពស់ជាងព្រះសង្ឃបែបនេះ មិនដឹងជាគេគិតយ៉ាងម៉េចដែរ… តើអ្នកណាគោរពអ្នកណា? តែបើមើលទៅរូប គឺហាក់ដូចជា ព្រះសង្ឃ គោរពគ្រហស្ថទៅវិញ… ឬមួយក៍សមតែអីចឹង..!!..??..
បែបទំនងទៅចឹងហើយ លែងដឹងលេងយល់ ទំនៀមទំលាប់អីអស់ហើយ ពុទ្ធសាសនាមិនចំពុទ្ធសាសនា ព្រហ្មញ្ញសាសនា មិនចំព្រហ្មញ្ញសាសនា ស្រីមិនចំស្រី ប្រុសមិនចំប្រុស ស្រីស្រឡាញ់ស្រី ប្រុសស្រឡាញ់ប្រុស ដូចជាចំឡែកមែន !
លោកបងធ្លាប់បានបួសរៀន និង ដឹងពីព្រះវិន័យសង្ឃច្បាស់ គឺអាចវាយតំលៃបានពីស្ថានភាពវិស័យព្រះពុទ្ធសាសនាក្នុងស្រុក នាពេលបច្ចុប្បន្ននេះបានហើយ។
វា នាំគ្នាឆ្កួតទាំងអស់គ្នាហើយ មើលទៅនោះ ធម៌អាថ៌ិ មិនគិតខំរៀនទេ គិតតែសច្ចំអាចម៏គោមេ នោះទៅវិញ ។ ពួកគេហ្នឹងសព្វថ្ងៃប្រហែលមិនដែលបើកភ្នែកទេដឹង បានជានាំគ្នាឆ្កួតទាំងពុជដូចនេះ។
ព្រះសង្ឍសម័យនេះ លោកខំសិក្សា ច្រើនណាស់ តែនៅតែមានបុគ្គលខ្លះឆ្គួតអីចឹងទៀត ។ ឆ្អើមណាស់លោកអើយ