ស្រុកស្រែ

This gallery contains 12 photos.

** ប្រកាស​មួយ​នេះ ខ្ញុំ​សរសេរ​ឡើង​ ចំពេល​យុទ្ធនាការ​ឃោសនា​បោះឆ្នោត តាំង​ពី​ក្នុង​អំឡុង​ដើមខែកក្កដា ឆ្នាំ២០១៣ កន្លង​ទៅ​​, គឺ​ក្នុង​ឳកាស​ខ្ញុំ​បាន​ធ្វើ​ដំណើរ​ឆ្លង​កាត់​ភូមិ​ឋាន​មួយ​ចំនួន​ នៃ​ទឹក​ដី​ខេត្ត​កណ្តាល, ព្រៃវែង, និង​កំពង់ចាម…។ តែក្រោយ​ពេល​សរសេរ​រួច ខ្ញុំបែរជា​​​ព្យួរ​ទុក​ចោល ​មិនផ្សព្វ​ផ្សាយទៅវិញ។  ​ហេតុ​ផល​ចំបង​​ដែល​ខ្ញុំ​ព្យួរ​មិន​ផ្សព្វ​ផ្សាយ គឺខ្ញុំ​មាន​បំណង​ស្នើ​សុំ​​អោយ​គណបក្ស​ដែល​ឈ្នះ​ឆ្នោត​ក្នុង​អាណត្តិ​ទី៥ នេះ ជាអ្នក​អនុវត្ត​នូវ​កិច្ចការ​នេះ អោយ​ខាង​តែ​បាន​តែ​ម្តង។   អាស្រ័យ​ដោយលទ្ធផល​បោះឆ្នោត​បាន​បង្ហាញ​ថា ​គណបក្ស​ឈ្នះឆ្នោត ជា​គណបក្ស​ដែល​ដឹកនាំ​ប្រទេស​តាំង​ពី​អើយ​​ស្រាប់​ផង, ដូច្នេះ កិច្ចការ​នេះ មិន​ត្រឹម​តែ​ «គួរធ្វើ»ទេ, គឺ «ត្រូវតែ​ធ្វើ»តែ​ម្តង… នោះ​គឺការ​ស្ថាបនា​សាលាឃុំ និង​ប៉ុស្តិ​ប៉ូលីស​រដ្ឋបាល​ឃុំ អោយ​​បាន​គ្រប់​ឃុំ​ទាំង​អស់, ជាពិសេស គឺនៅក្នុង​ដែនដី​ «យុទ្ធសាស្រ្ត»មួយ​ចំនួន​ដូចជារាជ​ធានី​ភ្នំពេញ, ខេត្តកណ្តាល, តាកែវ, ព្រៃវែង, និង​កំពង់ចាម ជាដើម (ជា​តំបន់​ដែល​គណបក្ស​​ដឹកនាំ​ប្រទេស ​ចាញ់​សំឡេង​ឆ្នោត​គូប្រកួត)…។​ … Continue reading →

This gallery contains 33 photos.

ខាងក្រោមនេះ ជាទិដ្ឋភាព​ក្នុង​ពិធីបុណ្យ​បង្ហោះគោម និង​លយ​កន្ទោង ដែល​ភាសា​ថៃ​ហៅថា យីពេង នៅ​ខេត្ត​ឈៀងម៉ៃ ប្រទេស​ថៃ។ ក្នុង​ថ្ងៃ​ពិធីបុណ្យ គឺ​ចំ​ពេល​ភ្លៀង​ធំ ទើប​មិន​បាន​ឃើញ​ការ​ដង្ហែដ៏​ធំ​មួយ នៅ​ក្នុង​ពិធី​បុណ្យ​ដ៏​មាន​ប្រជាប្រិយភាព​មួយ​នេះ។ នៅ​ពេល​យប់ មាន​មនុស្សម្នា​មក​ពី​គ្រប់​ទិសទី បាន​ចូល​រួម​ពិធី​បង្ហោះគោម និង​លយ​កន្តោង នៅ​ក្នុង​ទឹក​ទន្លេ​ដែល​ហូរ​កាត់​ក្រុង​ឈៀងម៉ៃ។ គោម​បង្ហោះ​ គឺ​ធ្វើ​អំពីក្រដាស​ស្តើង ហើយ​បញ្ឆេះ​សំរាប់​ដុត មិន​ដឹង​ធ្វើ​ពី​ស្អី​ដែរ​ទេ តែ​មើល​មួយ​ភ្លែត​ទៅ គឺ​ស្រដៀង​នឹង​បង់​ស្អិត។ ចំណែក​កន្ទោង​វិញ គឺ​បាន​រចនា​ច្រើន​​ម៉ូត ច្រើន​បែប លំអ​ដោយ​ផ្កា​ភ្ញី​ចំរុះពណ៌។ ឆ្លង​តាម​ការ​ឃើញ​ជាក់ស្តែង​បែប​នេះ ខ្ញុំ​គិត​ថា នៅក្នុង​ព្រះរាជ​ពិធីបុណ្យបណ្តែត​ប្រទីប​ អកអំបុក  និង​សំពះ​ព្រះខែ​នៅ​ស្រុក​យើង គួរ​តែ​បង្កើត​អោយ​មាន​​ពិធី​បណ្តែត​កន្ទោង​​នៅ​ទន្លេ​បួន​មុខ​ ខាង​មុខ​ព្រះ​បរមរាជ​វាំង​យើង ហើយ​គ្រប់​ខេត្ត​ដែល​មាន​ទន្លេ ស្ទឹង​ហូរ​កាត់ ក៏​គួរ​តែ​ធ្វើ​បែប​នេះ​ដែរ ដើម្បី​ញាំង​អោយ​ព្រះ​រាជ​​ពិធី​បុណ្យ​ជាតិ​របស់​យើង កាន់​តែ​មាន​ភាព​អធឹក​អធម​ថែម​ទៀត និង​ដើម្បី​​​​ជា​ការរួម​ចំណែក ​ជួយ​​​ដល់​វិស័យ​​ទេសចរណ៍​​ជាតិ​​​ផងដែរ។ … Continue reading →

This gallery contains 18 photos.

ខាងក្រោមនេះ ជាទិដ្ឋភាព​ក្នុង​​ទីអារាម​ព្រះពុទ្ធ​សាសនា​ដ៏​ចំណាស់​មួយ​ នៅ​កណ្តាល​​ក្រុង​ឈៀងម៉ៃ​ ប្រទេស​ថៃ ដែល​ខ្ញុំ​មើល​ទៅ ស្រដៀង​នឹង​នៅភូមា​ដែរ…។ ខ្ញុំ​មិន​បាន​ដើរ​សព្វ​ក្នុង​វត្តនេះ​ទេ ព្រោះល្ងាច​ណាស់​ទៅ​ហើយ… ណា​មួយ​ក្នុង​វត្តនេះ មាន​ទីធ្លា​រាង​ចង្អៀត​បន្តិច, ឯ​ឈ្មោះ​វត្ត​ទៀត​សោត ក៏​មិន​ដឹង​ថាឈ្មោះ​​​អីដែរ ព្រោះ​​ឃើញ​មានឈ្មោះ​នៅ​លើ​ក្លោងទ្វារ​វត្ត​ដែរ តែ​ជា​ភាសាថៃ, ហើយ​ខ្ញុំ​ក៏​ភ្លេច ឬមិន​មាន​បំណង​សួរ​ទៅ​ជនជាតិ​ថៃ ដែល​នៅ​ក្បែរ​នោះផងដែរ…។ អ្វី​ដែល​ខ្ញុំ​បាន​ឃើញ គឺមានដូច​ជាសាលា​ធម្មសភា​មួយ ស្ថិតនៅ​ជាប់​របង​វត្តខាង​លិច, ហើយនៅ​ចំ​ពី​ខាង​ក្រោយ​នោះ មាន​​​កូន​​ព្រះវិហារ​តូច​មួយ ដែល​នៅ​តាម​ជញ្ជាំង​ខាង​ក្នុង មាន​បិទ​រូប​ព្រះពុទ្ធ​តូចៗ ជា​ច្រើនអង្គ។ ​នៅ​​ពី​ខាង​ក្រោយ​កូន​​​ព្រះវិហារនេះ​ ឃើញ​មានចេតីយ៍​ពណ៌.ស ដ៏​ធំមួយ ហើយ​នៅ​ចន្លោះ​ចេតីយ៍ធំ និង​ព្រះវិហារ​តូច​នេះ គឺ​មាន​​ចេក​ ១០០ស្និត​ ដល់​ទៅ​ពីរ​ស្ទង ដែល​ខ្ញុំ​មិន​ធ្លាប់​បាន​​ឃើញ​សោះ​ពី​មុនៗ​មក…៕​​​ ស្រុកស្រែ

This gallery contains 57 photos.

ខាងក្រោមនេះ ជាទិដ្ឋភាព Royal Park Rajapruek ដែលខ្ញុំ​ប្រែថា ព្រះរាជ​ឧទ្យាន រាជព្រឹក្ស នៅខេត្តឈៀងម៉ៃ ប្រទេស​ថៃ ។ ក្រៅពីសួនច្បារពណ៌បៃតងដ៏ត្រជាក់​ភ្នែក អ្វីដែល​ជាការ​ទាក់​ទាញ​បំផុត​សំរាប់​ឧទ្យាន​នេះ​​​គឺ រាជព្រះពន្លា (Royal Pavilion) របស់​ព្រះ​មហាក្សត្រ​ថៃ ស្ថិត​នៅ​កណ្តាល​ឧទ្យាន​​តែ​ម្តង។ នៅ​ក្នុង​ឧទ្យាននេះ ​បាន​អនុញ្ញាត្តអោយ​ប្រទេស​មួយ​ចំនួន មក​សង់ជា​​អ្វី​មួយ ​ដែល​​តំណាង​អោយ​ប្រទេស​របស់​ខ្លួន, ហើយ​អ្វី​ដែល​នឹក​ស្មាន​មិន​ដល់​នោះគឺ មាន​ទង់​ជាតិ​កម្ពុជា​យើង បង់រវិចៗ​នៅ​ក្នុង​ព្រះរាជ​ឧទ្យាន​រាជព្រឹក្ស​នេះ​ដែរ។ ស្តង់​ប្រទេស​យើង ស្ថិត​នៅ​ជាប់​នឹង​ផ្លូវ​ធ្វើ​ដំណើរ​ទៅមក ដែល​​ងាយ​សំគាល់​ដោយ​សារ​មាន​ផ្ទាំង​រូប​ភាព​ប្រាសាទ​អង្គរវត្ត​ដ៏ធំមួយ។ ក្លោង​ទ្វារ​ចូល បាន​រចនា​តាម​ក្បាច់​​បន្ទាយស្រី, ហើយ​មើល​ពី​ផ្លូវ​ធ្វើ​ដំណើរ​ទៅ គឺ​ឃើញ​ចំឡាក់​អប្សរា​ពីរ ដែល​នៅ​ក្បែរ​នោះ មាន​កូន​ប្រាសាទ​អង្គរវត្ត​មួយ ដាក់​នៅ​ក្នុង​ទូរ​កញ្ចក់​គ្រប​ពីលើ។ នៅ​ខាង​ក្រោយ​នោះបន្តិច មាន​ត្នោត​មួយ​ដើម… មើលទៅ​ស្រណោះ​ណាស់…។ តាម​ពិត​ទៅ នៅ​ក្នុង​បរិវេណ​នៃ​ព្រះរាជ​ឧទ្យាន​នេះ … Continue reading →

This gallery contains 51 photos.

ខាងក្រោមនេះ ជាទិដ្ឋភាពអារាមនៅលើកំពូលភ្នំសុទេព (Doi Suthep) ខេត្តឈៀងម៉ៃ ប្រទេស​ថៃ ដែល​ខ្ញុំ​ថតទុក​ជាឯកសារ នា​ឳកាស​បាន​ទៅដល់​​​​ជាលើក​ដំបូង​របស់​ខ្ញុំ​. ចំពេល​ពិធី​បុណ្យ​បង្ហោះគោម និង​លយកន្ទោង ដ៏​មាន​ប្រជាប្រិយ៍ភាព ដែល​ភាសាថៃ​ហៅ​ថា ​បុណ្យ​យីពេង (Yee Peng Festival)។ ផ្លូវ​​ឡើងទៅ​កំពូល​​ភ្នំ​សុទេព មាន​ភាព​ស្រដៀង​គ្នា​នឹង​ផ្លូវឡើង​ភ្នំ​បូកគោ​របស់​យើង​ដែរ, គ្រាន់​តែ​ផ្លូវ​គេ​មាន​ទំហំ​ធំ​ជាង​យើង​បន្តិច ដោយសារ​តែ​ខាង​ផ្លូវ​ឡើង​មាន​ ២ឡេន​(Lane), ឯខាង​ផ្លូវ​ចុះ មាន​តែ​ ១ឡេន។ នៅ​​ជាប់​ជើង​ភ្នំសុទេព មុននឹង​ដល់​ផ្លូវ​ឡើង មាន​សួន​សត្វ​ដ៏​ធំ​មួយ ហើយ​នៅ​មិន​ឆ្ងាយ​ប៉ុន្មាន​ពី​សួន​សត្វនេះ គឺជា​សកល​វិទ្យាល័យ​​ឈៀងម៉ៃ…។ ពេល​ឡើង​ទៅ​ដល់​ខាង​លើ កន្លែង​ចត​យានយន្ត, គឺ​ត្រូវ​ធ្វើ​ដំណើរ​ឡើង​ភ្នំ​បន្ត​ទៅ​ទៀត តាម​មធ្យោបាយ​ពីរៈ ទីមួយដោយថ្មើរជើង និងទីពីរ​​ដោយ​ជណ្តើរ​យន្ត (Elevator)។ សំរាប់​ជនបរទេស, ការ​ជិះ​ជណ្តើរ​យន្ត​ គឺ​ត្រូវ​ទិញ​សំបុត្រ​ឡើង-ចុះ ថ្លៃ … Continue reading →